Friday, June 19, 2015

ကိုယ် ရည် ကိုယ်သွေး တိုးတက်ချင်ရင် ဘာတွေ လေ့လာ ရမလဲ ?

ကိုယ် ရည် ကိုယ်သွေး တိုးတက်ချင်ရင် ဘာတွေ လေ့လာ ရမလဲ ?
-----------------------------------------------------------------------------

 လူ တစ်ယောက်မှာ သူ့ရဲ့ လုပ်ငန်း ပိုင်း ကျွမ်းကျင်မှု ဆိုင်ရာ အရည်အချင်း ရှိသလို
သူ့ရဲ့ ကိုယ်ပိုင် ကိုယ် ရည် ကိုယ်သွေး  ဆိုတာလည်း ရှိပါတယ် ။

တစ်ခါတလေ လုပ်ငန်းခွင်တွေမှာ ကိုယ်က လုပ်ငန်းပိုင်းဆိုင်ရာ အရည်အချင်း ရှိနေပေမယ့်
ရာထူး တိုးစရာ ပေါ်လာတော့ ကိုယ်နဲ့ အရည်အချင်းတူ တစ်ယောက်ယောက်က
ဒီရာထူးကို ရသွားတယ်  / ဒါမှ မဟုတ် ကိုယ့်ထက် ပိုပြီး အခွင့်အရေးတွေ ပိုရနေတယ်ဆိုရင်
ကိုယ် ဟာ သူ့ထက် ကိုယ် ရည် ကိုယ်သွေး  နိမ့်နေလို့ ဖြစ်ကောင်း ဖြစ်နိုင်ပါတယ် ။
အလုပ် တစ်ခုကို ပြိုင်တူ လျှောက်ကြပြီး အရည်အချင်းတူပေမယ့်
တခြားလူတွေ ကို ရွေးသွားတယ်ဆိုတာမျိုးဟာလည်း အလားတူပါပဲ ။
( ဘက်လိုက်မှု တွေ ကြောင့် ဖြစ်တတ်တဲ့ သဘောသဘာဝတွေလည်း ရှိတတ်ပေမယ့်
ဒီနေရာမှာတော့ ဒါကို ထည့်သွင်း မဆွေးနွေးတော့ပါဘူး ။ )

ဒီတော့ ကျွန်တော်တို့ဟာ ဒီလိုမျိုး အခက်အခဲတွေကို ရင်ဆိုင်ကျော်လွှားနိုင်ဖို့
အတတ်ပညာ ဆိုင်ရာ ကျွမ်းကျင်မှု / အရည်အချင်းတွေ သာမက
ကိုယ့်ရဲ့ ကိုယ်ပိုင် ကိုယ် ရည် ကိုယ်သွေး  တွေလည်း တိုးတက်နေအောင် လေ့လာ လေ့ကျင့်သင့်ပါတယ် ။

ကျွန်တော် လေ့လာဖူးသလောက်
ဘဝမှာ အောင်မြင် တိုးတက်လိုသူတိုင်း လေ့လာသင့်တယ်လို့ ယုံကြည်တဲ့
ကိုယ် ရည် ကိုယ်သွေး တိုးတက်ရေးဆိုင်ရာ
အကြောင်းအရာလေးတွေကို စုစည်းပေးလိုက်ပါတယ် ။

( တစ်ခုချင်းကို တော့ ဒီဆောင်းပါးမှာ
အသေးစိတ် မဆွေးနွေးပေးနိုင်သေးလို့ အားနာမိပါတယ် ။
ကျယ်ပြန့်လွန်းတဲ့ အကြောင်းအရာတွေ မို့လို့ပါ ။

ကျွန်တော် စီစဉ်တဲ့ " မြန်မာ့ အိပ်မက် "အွန်လိုင်း မဂ္ဂဇင်း
( Myanmar Dream Online Magazine ) ကို
February 11 , 2015  မှာ စတင် ထုတ်ဝေသွားမှာ ဖြစ်ပါတယ် ။
အဲဒီ Magazine ထဲမှာ ဒီ အကြောင်းအရာတွေကို
ထပ်မံ အသေးစိတ် ဆွေးနွေးပေးသွားဖို့  ရည်ရွယ်ထားပါတယ် ။
ဖတ်ရှု ချင်တဲ့လူတွေ အနေနဲ့ ကျွန်တော်တို့ကို Messag bxo ကနေ တဆင့်
မိမိရဲ့ Gmail နဲ့ Viber , phone number ကို ပေးပို့ထားနိုင်ပါတယ် ခင်ဗျာ ။
ထွက်တာနဲ့ အကြောင်းကြားပေးနိုင်အောင်လို့ပါ ။ )

ကဲ ကျွန်တော်တို့ ကိုယ် ရည် ကိုယ်သွေး တိုးတက်ရေးဆိုင်ရာ 
လေ့လာစရာ လေးတွေကို ကြည့် ကြည့် ရအောင် ။

၁။ ထိထိ ရောက်ရောက် တွေးခေါ် နိုင်မှု စွမ်းအား ကို လေ့လာ လေ့ကျင့်ခြင်း

( ထိထိ ရောက်ရောက် တွေးနိုင်မှ ထိထိရောက်ရောက် လုပ်နိုင်မှာပါ ။
လူချင်း အတူတူ အတွေးသာ တဲ့လူက ရှေ့ ပို ရောက်ဖို့ များပါတယ် ။
မွေးရာပါ / သိပ် လေ့လာ လေ့ကျင့်စရာ မလိုဘဲ
တွေးခေါ်နိုင်စွမ်း ကောင်းသူ တစ်ချို့ ရှိသလို
လေ့ကျင့် သင်ကြားမှုကနေ တဆင့်လည်း မိမိရဲ့ တွေးခေါ်နိုင်စွမ်းကို
မြှင့်တင် နိုင်ပါတယ် ။ ဒီတော့ ဒီဘာသာရပ် ကို ကျွန်တော့် အနေနဲ့ လေ့လာစရာတွေထဲမှာ
ထိပ်ဆုံးမှာ ထားပေးချင်ပါတယ် ။ )

၂။ ပေါင်းသင်း ဆက်ဆံရေး စွမ်းအားကို မြှင့်တင်ခြင်း

( မိတ်ဆွေများလေ သိစရာ / သင်ယူစရာ / အလုပ်အကိုင် / စီးပွါးရေး အခွင့်အလမ်း များလေပါ ပဲ ။
ဒီတော့ မိတ်ဆွေများဖို့ အရေးကြီးပါတယ် ။

နောက် တစ်ဆင့်ကတော့ များနေတဲ့ မိတ်ဆွေတွေထဲမှာမှ
ကိုယ့် ရဲ့ မိတ်ဆွေစစ် မိတ်ဆွေမှန်တွေ ကို ရွေးထုတ်ရယူနိုင်ဖို့ ဖြစ်ပါတယ် ။
Facebook မှာ Friends 5,000 ရှိဖို့ထက်
တကယ် အရေးကြုံလာရင် ကိုယ့်ဘက်မှာ ဝင်ရပ်ပေးနိုင်မယ့်
မိတ်ဆွေ ၅ ယောက် ရှိဖို့က ပို အရေးကြီးပါတယ် ။

ဒီနေရာမှာ သတိထားစရာ တစ်ခုက ကိုယ်က  မိတ်ဆွေစစ် မိတ်ဆွေမှန်တွေလိုချင်ရင်
ကိုယ် ကိုယ်တိုင်က  မိတ်ဆွေစစ် မိတ်ဆွေမှန် တစ်ယောက် ဖြစ်အောင် အရင် ကြိုးစား ဖို့ပါပဲ ။ )

၃။ ထိထိရောက်ရောက် ပြောဆို ဆက်ဆံနိုင်စွမ်း / တင်ဆက်ပြသနိုင်စွမ်း ကို လေ့လာ လေ့ကျင့်ခြင်း

( အလုပ်အင်တာဗျူး ဖြေတာ /
ကိုယ့် စီးပွါးလုပ်ငန်းမှာ ရင်းနှီးမြှုပ်နှံ မယ့် သူ ရှာတာ က အစ  ...
ဈေး ရောင်း တာ အဆုံး  ...
နိုင်ငံရေး လောကမှာ လှုပ်ရှားတာ မကျန်  ... ဒီ စွမ်းရည် ရထားမှ အဆင်ပြေပါလိမ့်မယ် ။
ဒီ စွမ်းရည် ကောင်းရင် ကောင်းသလောက် ကိုယ့်အတွက် ရလာဒ်ကောင်းတွေ ရနိုင်ပါလိမ့်မယ် ။ )

၎။ မိမိကိုယ်ကို သိရှိ ဆင်ခြင်နိုင်စွမ်း ကို လေ့လာ လေ့ကျင့်ခြင်း

( ကျွန်တော်က English စကားပြောသင်တန်းလေး တစ်ခု ဖွင့်ထားတော့
လူငယ်တွေနဲ့ အမြဲ ထိတွေ့ပြောဆို နေရပါတယ် ။
သူတို့ကို
- ဘာလုပ် နေသလဲ ?
- ဘာ လို့ အဲဒါ ကို လုပ်နေတာလဲ ?
- ဘာဖြစ်ချင်တာလဲ ?
- ဘာလို့အဲဒါကို ဖြစ်ချင်တာလဲ ?
- လက်ရှိ ကိုယ် ဖြစ်ချင်တာရဲ့ ဘယ်အနေအထားကို ရောက်နေပြီလဲ ?
- ဘာ တွေ ဆက်လုပ်သွားမှာလဲ ?
စတဲ့ မေးခွန်းတွေ မေးလိုက်တိုင်း သေသေချာချာ ရေရေရာရာ ဖြေနိုင်သူ နည်းလွန်းလှပါတယ် ။

ကိုယ့် အိပ်မက် ပျောက်နေတာ / ပန်းတိုင် မရှိတာ စတာတွေကို တွေ့ရတိုင်း
ကိုယ်ချင်းစာ စိတ်မကောင်း / အားမလို အားမရ ဖြစ်ရပါတယ် ။
ဒါကြောင့်လည်း သူတို့ အိပ်မက်တွေကို  ပြန်ရှာတွေ့နိုင်ဖို့
ကျွန်တော် တတ်နိုင်သလောက် လေး လုပ်ပေးချင်တာကြောင့်
ကျွန်တော့် မဂ္ဂဇင်း ကို " မြန်မာ့ အိပ်မက် " လို့ နာမည်ပေးပြီး ထုတ်ဝေဖို့
အခက်အခဲတွေ အများကြီး ကြားက စီစဉ် ဖြစ်ရတာ ပါ ။
ဒါလည်း ကျွန်တော့် အိပ်မက် တစ်ခု ပဲပေါ့ဗျာ ။

လူငယ် တွေ အနေနဲ့ ကိုယ့်ကိုယ်ကို သိဖို့ အလွန် အရေးကြီးလှပါတယ် ။ )

၅။ မိမိ ကိုယ်ကို မိမိ စိတ်ဓာတ် မြှင့်တင်နိုင်စွမ်း

( စိတ်ဓာတ် မြှင့်တင် ရေး - Motivation - လုပ်တာ အဓိက ၂ မျိုး ရှိပါတယ် ။
အပြင် ( သူများ ) က မြှင့်တင်ပေးတာနဲ့
မိမိ ကိုယ်ကို မိမိ  မြှင့်တင်ပေးတာ ပါ ။
အပြင်က ( စာအုပ်တွေ / ဟောပြောပွဲတွေ / လူတွေက ) မြှင့်တင်ပေးတာ ဟာ
ရေရှည် မခံတတ်ပါဘူး ။
ဒါကြောင့်  မိမိ ကိုယ်ကို မိမိ စိတ်ဓာတ် မြှင့်တင်နိုင်အောင် စနစ်တကျ
လေ့လာ လေ့ကျင့်ထားသင့်ပါတယ် ။
ကျွန်တော့် အတွက်တော့ ဒီ အရည်အချင်းဟာ
အသက်ကယ်ဆေး ( ဒါမှမဟုတ် ) " ဘဝ ကယ်ဆေး " တောင် ဖြစ်ခဲ့ပါတယ် ။ )

ကျွန်တော် ပြန်ပြီး စုစည်းပေးပါ့မယ် ။
၁။ ထိထိ ရောက်ရောက် တွေးခေါ် နိုင်မှု စွမ်းအား ကို လေ့လာ လေ့ကျင့်ခြင်း
၂။ ပေါင်းသင်း ဆက်ဆံရေး စွမ်းအားကို မြှင့်တင်ခြင်း
၃။ ထိထိရောက်ရောက် ပြောဆို ဆက်ဆံနိုင်စွမ်း / တင်ဆက်ပြသနိုင်စွမ်း ကို လေ့လာ လေ့ကျင့်ခြင်း
၎။ မိမိကိုယ်ကို သိရှိ ဆင်ခြင်နိုင်စွမ်း ကို လေ့လာ လေ့ကျင့်ခြင်း
၅။ မိမိ ကိုယ်ကို မိမိ စိတ်ဓာတ် မြှင့်တင်နိုင်စွမ်း

ဒီ အချက်တွေ အပြင် ကိုယ် ရည် ကိုယ်သွေး တိုးတက်ရေးဆိုင်ရာ ဆိုင်ရာ
လေ့လာစရာတွေအများကြီးရှိနေသေးပေမယ့်
ဒီ အချက် ၅ ချက်ကို ဦးစားပေး လေ့လာ လေ့ကျင့်သင့်တယ်လို့ ယုံကြည်လို့
အရင်ဆုံး ရေး ပေးလိုက် တာပါ ။

ဒါတွေ အားလုံး ရဲ့ အပေါ်မှာ အဓိက အရေးကြီးတာ တစ်ခု ရှိနေပါသေးတယ် ။
ဒါကတော့
" မရှိတာထက် မသိတာခက်
မသိတာ ထက် သိအောင် မလုပ်တာခက်
သိပြီးလည်း ထ မလုပ်တာ ခက် " လို့ပဲ ရှေးစကားကိုနည်းနည်း ပြင်လိုက်ချင်ပါတယ် ။

အသိပညာ ဗဟုသုတကို တကယ် လိုက်နာလက်တွေ့မလုပ်ဘဲ
အပျင်းပြေ လေ့လာနေသူတွေထဲမှာ ကိုယ် မပါ ဖို့ အရေးကြီးလှပါတယ် ။
သိကြားမင်း ဆင်းကယ်လည်း မရတဲ့ လူမျိုး ဆိုတာ အဲဒါမျိုးတွေပါ ။
ဒါကြောင့် လုပ်စရာရှိတာ လုပ်သင့်တာကို
" တကယ် လက်တွေ့ လုပ်ဖြစ်အောင်ထလုပ် ပါ " လို့ တိုက်တွန်းချင်ပါတယ် ဗျာ ။

ဒီ စာစုဟာ စာဖတ်သူ တွေ အတွက်
တစ်စုံတစ်ရာတော့ အကျိုးရှိတန်ကောင်းပါရဲ့လို့
မျှော်လင့်မိပါတယ် ဗျာ ။

လေးစားလျှက်
ကိုဇင်ဇေ ( Myanmar Dream )

0 comments:

Post a Comment