Friday, June 19, 2015

" မြန်မာ့ အိပ်မက် " ဆိုတာ ဘာလဲ

" မြန်မာ့ အိပ်မက် " မဂ္ဂဇင်း ထုတ်ဝေမည် လို့ ကြေငြာလိုက်တော့
အသိ မိတ်ဆွေ အချို့ကမေးကြသည် ။
" American Dream " ဆိုသော စကားက ရှိပြီးသားကိုး ။
ထို စကားကို အတူ ယူသလား ဟု မေးကြသည် ။

ဆိုရေး ရှိလို့ ဆိုရမည် ဆိုရင်တော့ဖြင့် ထို ထောက်ဆချက် သည်
အစိတ်အပိုင်း တစ်ခုတော့မှန်နေပါ သည် ။

" American Dream " ဆိုသော စကားကို စာရေးသူလည်း ကြိမ်ဖန်များစွာ ကြားဖူးသည် ။
ဒီစကားသည် American တို့၏ ဖန်တီးနိုင်စွမ်း ၊ စွမ်းဆောင်နိုင်စွမ်း ကို လှုံ့ဆော်ရာတွင် မကြာခဏ
သုံးလေ့ရှိသော စကားဖြစ်သည် ။ ဟောပြောပွဲများ ၊ စာအုပ်စာတမ်း များတွင် ထည့်သွင်းလေ့ရှိသည့်
"အမေရိကန် အိပ်မက်" ဆိုသည် မှာ ကြွယ်ဝခြင်း ၊ ပြည့်စုံ ချမ်းသာခြင်း ၊ လွတ်လပ်၍ အမှီအခို
ကင်းခြင်း စသော သဘောတရားများ ထုံလွှမ်းနေသော စကားလုံး ဖြစ်သည် ။

ထို သဘောတရားများတွင်မှ ကြွယ်ဝ ချမ်းသာခြင်း သည် ထိပ်ဆုံးမှာ အမြဲ ထိုးထွက်နေလေ့ရှိသည် ။
ဟုတ်သည် ။ သူတို့သည် ချမ်းသာဖို့ အိပ်မက်တွေ အမျိုးမျိုး မက်ကြသည် ။
ချမ်းသာဖို့ ထုတ်ကုန်တွေ တီထွင်သည် ၊ ထုတ်လုပ်သည် ။ ဝန်ဆောင်မှု အသစ်အဆန်းတွေ
ဖန်တီးသည် ၊ ဈေးကွက် တင်ကြသည် ။ ကိုင်တွယ်ထိတွေ့လို့ မရသော ဉာဏ ထုတ်ကုန်တို့ကိုပင်
စနစ်တကျ ရေတို / ရေရှည် နည်းအမျိုးမျိုး နှင့် ရောင်းချနိုင်အောင် စီစဉ် ထားကြသည် မှာ မက်မော
ချီးကျူး စရာပင် ဖြစ်သည် ။

( အမိ မြန်မာနိုင်ငံမှာတော့ ကိုယ့် စိတ်ကူးလေး ကောင်းလို့ ထ လုပ်ရုံရှိသေး ၊ အလုပ်
ဖြစ်မည်မှ မကြံသေး ၊ ဈေးကွက် က လှုပ်လာပြီဆိုသည် နှင့် အညှာအတာ ကင်းစွာ စိတ်ကူး ကို ပုံတူ
ခိုး ချ ကြသည် ။ ငွေအား လူအား နှင့် ဖိကြသည် ။ မတန်တဆ အောက်ဈေး နှင့် ပြိုင်ကြသည် ။
မူပိုင် ဖန်တီးသူ ၊ ကြံဆ သူမှာ ဘာမှ တရားဝင် ကာကွယ် ခွင့်မရှိ ။ လက်ပိုက် ကြည့်ချင် ကြည့် ။
မကြည့်ချင် လျင် ငုတ်တုတ် ထိုင်ကြည့်နေဖို့သာ ရှိသည် ။

ဒါကြောင့်လည်း မြန်မာလူမျိုး တို့၏ တီထွင် နိုင်စွမ်းတွေ ဆယ်စုနှစ် နှင့် ချီပြီး တိမ်မြုပ်
နေကြရသည် ။ မက်လုံး မရှိတော့ ဦးနှောက် အများစုကလည်း ညှစ်အား မစိုက်ချင်ကြတော့ ။
သူ့ထက်ငါ သူများ ဦးနှောက်ကို အလျင်အမြန် ဘယ်လို ဖောက်စားရမလဲ ပဲ ထိုင်စောင့်နေကြတာက
များနေတော့သည် ။ )

ဒီတော့ ကျွန်တော့် " မြန်မာ့ အိပ်မက် " ကရော ဒီလိုသဘောတရားတွေကိုပဲ
ရည်ညွှန်းသလားလို့ ထင်စရာရှိပါသည် ။ ရှေ့မှာ ပြောခဲ့သလို ဒီ အယူအဆ တစ်စိတ်တစ်ပိုင်းတော့
မှန်ပါသည် ။ အဘယ့် ကြောင့်ဆိုသော် ကျွန်တော် ကိုယ်တိုင်လည်း " အမေရိကန် အိပ်မက် " လို
ချမ်းသာ ချင်ပါသည် ။ ပြည့်စုံ ကြွယ်ဝချင်ပါသည် ။ အင်အား ကြီးချင်ပါသည် ။
ထို့ အတူ ကျွန်တော်သာမက ကျွန်တော် ချစ်ခင် နှစ်သက်သူများ ၊ ကျွန်တော့် ပတ်ဝန်းကျင်နှင့် ၊
မိတ်ဆွေများ ၊ ဖြစ်နိုင်လျှင် ကျွန်တော်တို့ မြန်မာနိုင်ငံကြီး တစ်နိုင်ငံလုံးကို ပင် ထိုသို့
ဖြစ်စေချင်ပါသည် ။
သို့သော် ။ ။

ထို " သို့သော် " က အရေးကြီးပါသည် ။
အဲလောက်ပဲ ဆိုရင်ဖြင့် ကျွန်တော့် မှာ "မြန်မာ့ အိပ်မက်" လို့ ရဲရဲကြီး ကြွေးကြော်ဝံ့လိမ့်မည်
မဟုတ်သောကြောင့် ဖြစ်သည် ။ ချမ်းသာ ကြွယ်ဝခြင်း နှင့် အင်အားကြီးခြင်း တို့သည် ကောင်းမွန် ၍
ရှိသင့် ရှိထိုက်သော စံနှုန်းများ ဖြစ်သော်လည်း ကျွန်တော်တို့ မြန်မာလူမျိုး များ၏ အိပ်မက် သည်
ကျွန်တော့် အမြင်တွင် ထို့ထက် ပိုပါသည် ။ ( သို့မဟုတ် ကျွန်တော့် အနေဖြင့် ပို စေ ချင်ပါသည် ။ )

ကျွန်တော်တို့ မြန်မာ လူမျိုး များသည် အလွန် အလှု အတန်း ရက်ရောသော
လူမျိုးများဖြစ်သည် ။ နိုင်ငံကသာ ဆင်းရဲတွင်းထဲက မထွက်သေးလျှင် နေမည် ။ အလှု အတန်း
ရက်ရောရာမှာတော့ ထိပ်ပိုင်းနံပါတ် ချိတ်သည် ။ ဤ အချက်က ဘာကို ပြနေသလဲ ဆိုတော့
ကျွန်တော်တို့ သည် ကိုယ်တိုင်က မချမ်းသာ လျင် နေမည် ။ တစ်ဖက်သားမှာ တစ်ကယ်
လိုအပ်လာပြီဆိုလျင်ဖြင့် မတွန့်တိုတတ်သော လူမျိုးများ ဖြစ်သည် ။
အခြေအနေ အကြောင်းကြောင်းကြောင့် ကျွန်တော်တို့သည် ကျပ်တည်းသော ခေတ်ကြီးတွင်
ကြီးပြင်းနေထိုင် ရှင်သန်ခဲ့ကြရာတွင် ထို စိတ်ဓာတ်အရင်းခံလေး တိမ်မြုပ်နေတာ ။ အချို့လူများတွင်
ပျောက်ကွယ်လုနီးပါး ဖြစ်နေတာတွေ့ရသော်လည်း အရင်း အမြစ်ကို လိုက်ရင်တော့ဖြင့်
ထိုစိတ်ကလေး ကျန်နေသေးတာ တွေ့ရပါလိမ့်မည် ။

ကျွန်တော်က အင်္ဂလိပ် စကားပြောသင်တန်းလေး တစ်ခု ဖွင့်ထားတော့ လူငယ် ၊
လူလတ်အများစု ကို ထိတွေ့ဆက်ဆံနေရသည် ။ အကြောင်း သင့်တိုင်း သူတို့ကို
မေးကြည့်မိသည်က " ဘဝ မှာ ဘာဖြစ်ချင်ကြသလဲ " ဆိုတာပင် ။ ကျောင်းသား အများစုမှာ အဲလို
မေးကျင့် ဖြေကျင့်က မရှိတော့ ရုတ်တရက်ဆို ဘာကို ဖြေလို့ ဖြေရမှန်း မသိဘဲ ကြောင် အမ်းအမ်း
ဖြစ်တတ်ကြတာ များသည် ။ ထို အခါမျိုးတွင် ကျွန်တော်က တစ်စ ချင်း လမ်းကြောင်းပေးပြီး ဆွဲထုတ်
သော အခါတွင်တော့ သူတို့ ရင်ထဲမှာ ရှိတာလေးတွေ ထွက်လာသည် ။
ချမ်းသာ ချင် သည် ။ အောင်မြင်ချင်သည် ။ စသည့် အများ ပြောနေကျ ဆန္ဒများကို
ထုတ်ပြောလာကြသည် ။

ကျွန်တော်က ထိုမျှ နှင့် မတင်းတိမ် ။
ဘာ့ကြောင့် ချမ်းသာချင်တာလဲ ?
ဘာ့ကြောင့် အောင်မြင်ချင်တာလဲ စသဖြင့် ထပ် ထပ် ၍ မေးတတ်သည် ။
ထို အခါတွင်တော့ သူတို့ ပြောသည့် အဖြေများ က ပို၍ စိတ်ဝင်စားစရာ ကောင်းလာသည် ။
ဘာကြောင့်မှန်း မသိ ချမ်းသာ ရတာ ကောင်းလို့ ဆိုသူများ ရှိသလို
ချမ်းသာလျှင် ဇိမ်ကျကျ နေနိုင်မှာမို့ ချမ်းသာချင် သည် ဆိုသူများလည်း ရှိသည် ။

ထူးခြားသည် က တစ်ခါတရံ … ကျွန်တော်တို့ မြန်မာ အများစု ( ကျွန်တော် အပါ အဝင် )
သည် ချမ်းသာရမှာ ကြောက်နေတာမျိုးလည်း ရှိတတ်ပါသည် ။
စဉ်းစားကြည့်တော့ ရယ်ချင်စရာတော့ ကောင်းသည် ။
ချမ်းသာတာပဲ ။ ဘာ ကြောက်စရာကောင်းလို့လဲ ဟု တွေးမိကြမည် ထင်ပါသည် ။
ကျွန်တော့် အမြင်တော့ ကျွန်တော်တို့ ဤသို့ ခံစားလာရသည့် နောက်ခံ အကြောင်းရင်းက
ကျွန်တော်တို့ ရှင်သန်လာသည့် ပတ်ဝန်းကျင် ၊ ကြားဖူးနားဝ ဖြစ်ရပ်များအရ ချမ်းသာသူများသည်
အကြင်နာ တရား ကင်းမဲ့ သူများ ၊ စာနာစိတ် ကင်းမဲ့သူများ ၊ လူကို လူလို မဆက်ဆံတတ်သော
ဂုဏ်မောက်သူများ ဖြစ်နေသောကြောင့် ပင် ။ ချမ်းသာသည် ဟု ကြားလိုက်လျှင် ကျွန်တော်တို့
စိတ်ထဲ သူတို့ကို ပြေးမြင်မိသည် ။ သူတို့၏ စရိုက်ကို မနှစ်မြို့နိုင်လွန်းတော့
ကျွန်တော်တို့ကိုယ်တိုင်လည်း သူတို့လို ဖြစ်လာမှာ ကြောက်လာသည် ။ တစ်နည်းအားဖြင့်
ချမ်းသာရမှာကို ( မသိ စိတ် မှ ) ကြောက်လာသည် ။ ထို့ကြောင့် ချမ်းသာချင်လား မေးရင်
ကျွန်တော်တို့ ခပ်ရွံ့ရွံ့ ဖြေဖြစ်ကြတာ ဖြစ်မည် ဟု ထင်သည် ။

တကယ်တမ်း တော့ ကျွန်တော်တို့ ခပ်ခွာခွာ က ပြန်ကြည့်လျှင်ဖြင့် ချမ်းသာခြင်းမှာ
အပြစ်မရှိကြောင်း တွေ့ရမည် ဖြစ်သည် ။ ချမ်းသာခြင်း သည် မီး ပဲ ဖြစ်သည် ။ အကိုင်အတွယ်
မတတ်လျှင် လောင်မြိုက်မည် ။ ပူလောင်မည် ။ အသိ သတိ နှင့် ပညာသားပါပါ ကိုင်တွယ်လျှင်တော့
အနွေးဓာတ် ပေးနိုင်မည် ။ အလင်း ပေးနိုင်မည် ။ ကိုယ့် တစ်ကိုယ် စာသာမက ချမ်းသာလျှင်
ချမ်းသာသလောက် လောကကို ပို၍ အလင်း ပေးနိုင်မည် ဖြစ်သည် ။
ကျွန်တော် ပြောချင်သည်က ချမ်းသာခြင်း သည် ကောင်းသည် ။ ချမ်းသာလိုခြင်း သည် လည်း
ကောင်းသည် ။ မိမိ ၏ ချမ်းသာမှု သည် သူ တစ်ပါးအား ဆင်းရဲမှု မဖြစ်စေသ၍ ချမ်းသာခြင်းသည်
ကောင်းသည် ။ ကျွန်တော်တို့ ကိုယ်တိုင် ချမ်းသာခြင်းကို မက်မက်မောမော လိုလိုလားလား
ရှိသင့်သည် ။ ကျွန်တော်တို့ ၏ ချမ်းသာခြင်း သည် သူ တစ်ပါး အတွက် ( ပို၍ ဖြစ်နိုင်လျှင် အများ
အတွက် ) အထောက်အပံ့ကောင်း ဖြစ်စေရန် ကျွန်တော်တို့ ကြိုးစားရမည် ။ ကျွန်တော်တို့၏
ချမ်းသာမှုသည် သူတစ်ပါးအားလည်း ချမ်းသာစေရလောက်အောင် ပြည့်စုံလုံလောက်ရမည် ။

ထိုသို့ ဖြစ်စေလျှင် ကျွန်တော်တို့ ၏ ချမ်းသာခြင်းသည် မြတ်၏ ။
ကျွန်တော်တို့ ၏ ချမ်းသာခြင်းသည် အပြစ်ကင်း၏ ။
ကျွန်တော်တို့ ၏ ချမ်းသာခြင်း ဖြင့် လောက ကို အလင်း ဆောင်နိုင်လိမ့်မည် ။

ထိုထို သော ရည်ရွယ်ချက်သည် ပင် ကျွန်တော် ဆိုလိုချင်သော "မြန်မာ့ အိပ်မက်"
ဖြစ်လေသည် ။ ကျွန်တော်တို့၏ "မြန်မာ့ အိပ်မက်" သည် " အများ သိထားသည့် အမေရိကန်
အိပ်မက် " လို ချမ်းသာချင်စိတ် တစ်ခုတည်း မဟုတ် ။ ကျွန်တော်တို့၏ ချမ်းသာခြင်းကို အများကို
မျှဝေလိုခြင်း ဖြစ်သည် ။ အတူ တကွ ချမ်းသာလိုခြင်း ဖြစ်သည် ။

ကိုယ်နိုင် သူရှုံး ဖြစ်စေလိုခြင်း မဟုတ် ၊
အား အကြီးဆုံးလူသာ ရှင်ကျန်စေလိုခြင်း မဟုတ် ။
နှစ်ဦးနှစ်ဖက် လုံး မျှတစွာ နိုင်စေလိုခြင်း ဖြစ်သည် ။

အချို့က ဆိုကြပါလိမ့်မည် ။ ကျွန်တော် ညွှန်းဆိုသော "မြန်မာ့ အိပ်မက်" သည် စိတ်ကူးယဉ်
ဆန်လွန်းသည် ။ ဖြစ်နိုင်လိမ့်မည် မဟုတ် ... စသည် စသည်ဖြင့် ။ ကျွန်တော် ဝန်ခံပါသည် ။

ဒါကြောင့်လည်း ကျွန်တော် ကိုယ်တိုင် "မြန်မာ့ အိပ်မက်" လို့ ညွှန်းဆိုခဲ့ခြင်း ဖြစ်သည် ။
"မြန်မာ့ ပန်းတိုင်" မဟုတ် ။ "မြန်မာ့ ပန်းတိုင်" လို့ ကျွန်တော် မသုံးစွဲခဲ့ ။

ကျွန်တော်တို့ ရင်ထဲ ၊ အသည်းထဲ က ထိုသို့သော ပတ်ဝန်းကျင် တစ်ခု ၊ လူ့ အဖွဲ့အစည်း
တစ်ခုကို တည်ဆောက်ချင်သည် ။ ဘယ်နေ့ ဘယ်ရက် ဘယ်တော့မှ ရောက်မည် ကျွန်တော်တို့
မသိ ။ မည်သည့် နည်းလမ်းတွေက သေချာပေါက် ရောက်စေလိမ့်မည် ကျွန်တော်တို့ မသိ ။
သိသည် ပြောလျှင် လူ ရယ် စရာကြီး ဖြစ်မည် ထင်သည် ။ ပွင့်ခဲ့ပြီး သမျှ ဘာသာပေါင်းစုံက ဘုရား
အဆူဆူတောင် လုပ်နိုင်စွမ်းမည့် ကိစ္စ ဟု ကျွန်တော်တော့ မထင် ။

ဒါပေသည့် ဒီခရီး ၏ ထူးခြားချက်က အခြား ခရီးတွေနှင့် မတူ ။
ရောက်မှ ပျော်ဖို့ ကောင်းသည့် ခရီး မဟုတ် ။
လျှောက်နေရင်း နှင့် ပင် ပျော်ဖို့ ကောင်းသည့် ခရီး ဖြစ်နေခြင်း ဖြစ်သည် ။

ကျွန်တော်တို့နှင့် အိပ်မက်ချင်း တူသူများကို ကျွန်တော်တို့ မျှဝေမည် ။ လက်တွဲခေါ်မည် ။
ကာယ အားနှင့် လက်တွဲမကူနိုင်လျှင်တောင် ဉာဏအားဖြင့် လက်တွဲကူကြမည် ။ ရင်ထဲမှာ
ပျော်ရွှင်စွာ အိပ်မက်မက်ရင်း ဒီ ခရီးရှည်ကြီးကို ကျွန်တော်တို့ လျှောက်နေကြမည် ဖြစ်သည်။
ယခု ဒီစာကို ဖတ်နေချိန်တွင် သင်လည်း ပဲ ကျွန်တော်တို့လို ခံစားနေရမည် ။
ယုံကြည်နေမည် ဟု ကျွန်တော် မျှော်လင့်မိပါသည် ။

ဆရာ မောင်ချောနွယ် ပြောသော စကားကို ကျွန်တော် မကြာခဏ ကိုးကားလေ့ရှိပါသည် ။
" ကျွန်တော် တို့ လမ်းတူ လျှင် လူချင်း တွေ့ကြမည် " ဟု ဆိုချင်ပါသည် ။
သင်လည်း ချမ်းသာချင်မည် ။ တိုးတက်အောင်မြင်ချင်မည် ။
ထိုလမ်းခရီးသို့ သွားရာလမ်းတွင် သူတစ်ပါးအား မထိခိုက်စေလို ။
ဖြစ်နိုင်လျှင် တစ်ဦး ကို တစ်ဦး ဝေမျှရင်း လက်တွဲ ခေါ်သွားလိုမည် ဆိုပါက

ကျွန်တော်တို့၏ " မြန်မာ့ အိပ်မက် " သည် သင့် အိပ်မက် ဖြစ်လာလိမ့်မည် ဟု မျှော်လင့်မိပါသည် ။

လေးစားလျှက်
ကိုဇင်ဇေ (ထုတ်ဝေသူ နှင့် အယ်ဒီတာ )

-------------------------------------------------------

● 
မြန်မာ့ အိပ်မက် ( ပထမ တွဲ ) ကို အောက်ပါ  လင့်ကနေ တဆင့် ကလစ် တစ်ချက် နှိပ်လိုက်ရုံနဲ့ အခမဲ့ Download ရယူနိုင်ပါပြီ ခင်ဗျာ ။
>>> 
http://www.mediafire.com/download/pp6p8633vkm8xco/


မြန်မာ့ အိပ်မက် ( ဒုတိယတွဲ ) ကို အောက်ပါ  လင့်ကနေ တဆင့် ကလစ် တစ်ချက် နှိပ်လိုက်ရုံနဲ့ အခမဲ့ Download ရယူနိုင်ပါပြီ ခင်ဗျာ ။
>>>
http://www.mediafire.com/download/xz6akx4b6ea5qc8/


" မြန်မာ့ အိပ်မက် မဂ္ဂဇင်းကို ဖုန်းမှ တဆင့် မပြတ် ဖတ်ရှုလိုပါက
အောက်ပါ Mobile Application ( Android ) ကို Download ရယူထားနိုင်ပါတယ် ခင်ဗျာ "
http://www.mediafire.com/download/1pjp8j7f2horjan/
< Myanmar Dream - Apk - 2nd Version ( 11 Mb )

0 comments:

Post a Comment